Шанақтың ені мен X үлгісіне тән элементтерге баса назар аудару BMW X3 алдыңғы бөлігіне өте әсерлі көрініс береді. BMW бұрышталған радиатор торы және үшбұрышқа ұқсайтын ауа сорғыштары бар жаңартылған бампер автокөліктің беріктігін айқындайды. Шамамен 10 мм төмен түсірілген толық жарықдиодты фаралар – шоғырланған көзқарасымен ерекшеленетін BMW X3 моделінің заманауи сыртқы түрінің соңғы бөлшектері.
BMW X3-тің жаңартылған артқы бөлігі керемет және заманауи көрінеді. Жаңа үш өлшемді дизайны бар толық жарықдиодты фаралар модельдің беріктігін қосымша көрсетіп тұр. Кең таралған, бамперге кіріктірілген газ шығару келте құбырлары жоғарғы бөліктің көлденең сызықтарымен жалғасып, автокөліктің заманауи сипатын көрсетеді. Жаңартылған дизайн түбінің қорғанысы BMW X3 артқы бөлігінің жарқын және күшті көрінісін толықтырады.
Навигация функциясы бар BMW Live Cockpit Plus нұсқасы 5,1 дюймдік дисплейі бар аспаптар тақтасын және ажыратымдылығы жоғары 10,25 дюймдік сенсорлы орталық дисплейді қамтиды.
Жүргізуші мен алдыңғы жолаушының спорттық орындықтары әртүрлі механикалық реттеулермен, соның ішінде ілгері-кейін позициямен, сондай-ақ орындықтардың көпшіктері мен арқалықтарының еңкею бұрыштарымен жабдықталады. Жүргізуші орындығында артқы ені де реттеледі.
Әйнеккөтергіштердің басқару құралдарындағы, руль түймелеріндегі, есік панельдеріндегі және есік құлпы ажыратқышындағы қосымша айрықша гальвандық шаңдатпа жоғары сапалы әсер қалдырады.
2,0 литрлік 4 цилиндрлі TwinPower Turbo қозғалтқышының бензиндік және дизельдік нұсқасы көлік жүргізудің максималды рақатын қамтамасыз етеді. Олардың айрықша белгілері – таңғалдыратын қуат жиынтығы және төмен жылдамдықтың өзінде акселератор педалін басуға жедел жауап қайыру.
BMW xDrive интеллектуалды толық жетек жүйесі дөңгелектердің жолмен ілінісуін одан әрі жақсарту, қарқынды арттыру және кез келген қозғалыс жағдайында қауіпсіздікті қамтамасыз ету үшін айналдыру моментін алдыңғы және артқы дөңгелектер арасында серпінмен үлестіріп отырады.
Бейімделетін спорттық руль, соның ішінде сервотроник рульдің жауап қайтаруын арттырады, сонымен қатар рульді бұруға қажетті күшті азайтады. Осының арқасында жоғары жылдамдықпен жүру кезінде басқару мен тұрақтылық жақсарады, сондай-ақ тұраққа қою және бұру кезінде рульге аз күш түсетін болады.
Steptronic 8 сатылы спорттық автоматты беріліс қорабы берілістерді өте жылдам спорттық деңгейде ауыстыратынымен ерекшеленеді. Берілістер автоматты немесе қол режимдерінде селектор иінтірегі немесе руль астындағы құлақшалардың көмегімен – тұрақты жылдамдықпен жайлы қозғалыс немесе керемет қарқынмен көлік жүргізу үшін ауыстырыла алады.
